នាយករដ្ឋមន្រ្តីខ្មែរ ហ៊ុន សែន កាលពីថ្ងៃម្សិលមិញបាននិយាយថា ពេលនេះខ្លួនកំពុងពិចារណាក្នុងការធ្វើវិសោធនកម្មមាត្រាមួយចំនួន នៃរដ្ឋធម្មនុញ្ញកម្ពុជា ដែលបានរារាំងមិនឲ្យមានការកែប្រែខ្សែបន្ទាត់ព្រំដែន។
សារព័ត៌មានសេរី
លោក ហ៊ុន សែន បានលើកឡើងថា ការវាស់វែងនាពេលបច្ចុប្បន្នតាមបច្ចេកវិទ្យាថ្មី ប្រទេសកម្ពុជាអាចនឹងមានផ្ទៃក្រឡាសរុបរហូតដល់ ១៨១.៦០៦គីឡូម៉ែត្រក្រឡា។ ដូច្នេះផ្ទៃក្រឡាប្រទេសកម្ពុជាដែលមានសរុប ១៨១.០៣៥គីឡូម៉ែត្រក្រឡា គឺតូចពេកហើយ។
នាយករដ្ឋមន្រ្តីខ្មែររូបនេះបានបន្តថា លោកបានស្នើសុំឲ្យមានការសិក្សាមួយ ដើម្បីធ្វើវិសោធនកម្មរដ្ឋធម្មនុញ្ញត្រង់មាត្រាទី២។ ហើយថា លោកចាំបាច់ត្រូវធ្វើការវាយតម្លៃពីទំហំផ្ទៃដី នៃប្រទេសកម្ពុជាឡើងវិញ។
មាត្រាទី២ នៃរដ្ឋធម្មនុញ្ញកម្ពុជាបានចែងថា បូរណភាពទឹកដីរបស់ព្រះរាជាណាចក្រកម្ពុជា មិនអាចរំលោភបានដាច់ខាតក្នុងព្រំដែនរបស់ខ្លួនដែលមានកំណត់ក្នុង ផែនទីខ្នាត ១/១០០.០០០ ធ្វើនៅចន្លោះឆ្នាំ១៩៣៣-១៩៥៣ ហើយដែលត្រូវបានទទួលស្គាល់ជាអន្តរជាតិ នៅចន្លោះឆ្នាំ១៩៦៣-១៩៦៩។
គួរបញ្ជាក់ថា បច្ចុប្បន្ននេះប្រទេសកម្ពុជា និងប្រទេសជិតខាងទាំងបី គឺប្រទេសថៃ ឡាវ និងវៀតណាម កំពុងស្ថិតក្នុងដំណាក់កាលបោះបង្គោលព្រំដែននៅឡើយ។ ដោយឡែកសម្រាប់ការបោះបង្គោលព្រំដែនរវាងប្រទេសកម្ពុជា និងវៀតណាម ដែលជាប្រភពបញ្ហាដ៏ចម្រូងចម្រាស់ជាច្រើនទសវត្សរ៍មកហើយនោះ ត្រូវបានមន្រ្តីរដ្ឋាភិបាលអះអាងថា នឹងបិទបញ្ចប់នៅក្នុងរយៈពេលឆាប់ៗខាងមុខនេះហើយ៕
សារព័ត៌មានសេរី
នាយករដ្ឋមន្រ្តីខ្មែរ ហ៊ុន សែន
នាយករដ្ឋមន្រ្តីខ្មែររូបនេះបានបន្តថា លោកបានស្នើសុំឲ្យមានការសិក្សាមួយ ដើម្បីធ្វើវិសោធនកម្មរដ្ឋធម្មនុញ្ញត្រង់មាត្រាទី២។ ហើយថា លោកចាំបាច់ត្រូវធ្វើការវាយតម្លៃពីទំហំផ្ទៃដី នៃប្រទេសកម្ពុជាឡើងវិញ។
មាត្រាទី២ នៃរដ្ឋធម្មនុញ្ញកម្ពុជាបានចែងថា បូរណភាពទឹកដីរបស់ព្រះរាជាណាចក្រកម្ពុជា មិនអាចរំលោភបានដាច់ខាតក្នុងព្រំដែនរបស់ខ្លួនដែលមានកំណត់ក្នុង ផែនទីខ្នាត ១/១០០.០០០ ធ្វើនៅចន្លោះឆ្នាំ១៩៣៣-១៩៥៣ ហើយដែលត្រូវបានទទួលស្គាល់ជាអន្តរជាតិ នៅចន្លោះឆ្នាំ១៩៦៣-១៩៦៩។
គួរបញ្ជាក់ថា បច្ចុប្បន្ននេះប្រទេសកម្ពុជា និងប្រទេសជិតខាងទាំងបី គឺប្រទេសថៃ ឡាវ និងវៀតណាម កំពុងស្ថិតក្នុងដំណាក់កាលបោះបង្គោលព្រំដែននៅឡើយ។ ដោយឡែកសម្រាប់ការបោះបង្គោលព្រំដែនរវាងប្រទេសកម្ពុជា និងវៀតណាម ដែលជាប្រភពបញ្ហាដ៏ចម្រូងចម្រាស់ជាច្រើនទសវត្សរ៍មកហើយនោះ ត្រូវបានមន្រ្តីរដ្ឋាភិបាលអះអាងថា នឹងបិទបញ្ចប់នៅក្នុងរយៈពេលឆាប់ៗខាងមុខនេះហើយ៕
0 comments